ادبیات

زنان آدی بیلن باغلانیشیلاقی یادیگأرلیکلر / ۲

غیز بی بی ، اولی و کیچی غیز غالا

پایگاه خبری اولکامیز – تاییارلان: حاج قاقابای ارزانی / آلینان چشمه لر:غاراغوم ژورنالی :

غیز بی بی :

غادیمی تورکمنیستاندا خودای..إنأنینگ آدی بیلن باغلانیشدیریلیان آتدیر. تورکمنلرینگ آراسینداقی بار بولان رووایاتا گؤرأ «بو رووایات قاقا إطرابینینگ چأچه اوباسیندان یازیلیب آلیندی»،غیزبی بی دورماشا چیقماق ایسله مدیک غیز بولوبدیر.

قاقاسینینگ غاهار إتمه سیندن غاچیب، داغدا گیزلنیبدیر. داغدا اونونگ دینچ آلیب اوتوران یرینده داشینگ یوزونده ایزی غالیبدیر. اول ایزارلامادان غاچیب، بیر جولگأ دوشیأر، اوندان بیر دریاجیق آقیار إکن. اونگا چأچه چای دیییأرلر، اول بو اوازیسی سوو بیلن اوبجون إدیبدیر.

غیزبی بی قاقاسینی گؤروب، یرینگ یاریلماغینی خاییش إدیبدیر. یر یاریلیبدیر، غیزبی بی اونگا اؤزونی اوقلابدیر. یؤنه اونونگ ساچینینگ اوجی یرینگ یوزونده غالیبدیر. اوندانام اونی تاپیب، یردن غازیب چیقاریارلار وآدام شکیللی جایلایارلار.

بو رووایات قاقا إطرابینینگ دوشاق اوباسینینگ غولاییندا یرلشیأن مألیک آژدار بابا غونامچیلیغینداقی غیزبی بی آرامگأهینه دگیشلیدیر. آرامگأهینگ ۲۰ عاصئردا غادیمی مازارینگ اوستونده غورلاندیغینا غارامازدان، اول غودراتلی اؤولویأ حؤکومونده گینگ مشهورلیغا إیه دیر.

اول کراماتلی یرلرینگ بیری حاسابلانیار. شونونگ اوچین اونگا زییارت إدیأنلرینگ سانی ییل..ییلدان آرتیار.

اولی و کیچی غیز غالا :

مروینگ آرخیتکتور یادیگأرلیگیدیر. اول سولطان غالانینگ گونباتار طاراپیندا یرلشیأر. اول مروینگ چیگ کرپیچدن غورلان عاداتی بیر بیناسیدیر. اولی غیز غالا ۴۲*۲۷ متر اؤلچگده بولوب، گؤنوبورچلوق گؤرنوشینده بینا إدیلیبدیر.

بینانینگ اورتاراسینده اینه دؤردول جای بار، بو، بلکی، اولی زال بولان بولماغی مومکین. اونونگ تؤوره گینده بولسا ایکی هیلی بییکلیکده اوتاغلار یرلشیبدیر. اولارینگ أهلیسینینگ اؤنگ طاراپی یاریم آیلاو گؤرنوشینده بینا إدیلیبدیر، بیرمنگزشلیک برک برجای إدیبدیر.

بو غورلشیق اوصولی دینگه مروده یؤرگونلی بولمان، ایسم خورزمده هم مشهوردیر. بویادیگأرلیگینگ غولاییندا یرلشن کیچی غیزغالا هم شو اوصول بیلن غورلوبدیر. بویردن هم إدیل شونونگ یالی مرکزی اوتاغ بولوبدیر «بلکی، اونونگ یوقاریسی گوممز یبلن یاپیلاندیر».

اونونگ تؤوره گینده هم إ دیل اولی غیز غالاداقی یالی گؤنوبورچلی اوتاغلار یرلشیبدیر. بو بینالارینگ غورلان واغتی آنیکلانیلمادی. یؤنه اول ۸ نجی عاصئردان ۱۲ نجی عاصئر آرالیغیندا غورلاندیر دیین چاقلاما بار.

*تصویر اثر استاد تاتاری

داوامی بار

www.ulkamiz.ir


نمایش بیشتر

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا