غئنانچ حاطئ
پایگاه تحلیلی خبری اولکامیز –
تانگرئنئنگ آدئ بیلن
“عِزیز جانلار تِنده، بیزه مئخماندئر”
“ماغتئمغولئ پئراغئ”
“بِییک ائنسان، “مِرحوم دۇکتۇر عبدالجلیل غیادینئنگ” غادئرلئ ایچری ماشغالاسئنا،
دۇغان-غارئنداشلارئنا،
دۇست-یارلارئنا،
عِزیز واطانداشلارا،
ائلایتا-دا بۆتین تۆرکمن ایلاتئمئزا”
“غئنانچ حاطئ”
مِرحوم دۇکتۇر غیادی، اؤز ساغلئغئنئ غارامانئ، عؤمرۆنی، بۆتین ائنسانلارئنگ ساغلئغئنا و اؤسمِگینه واقئپ اِدیپدی و اۇلارئنگ یاشایشئنا یاغتئلئق ساچماق اۆچین، مئدام آتلانئپ یۇلا دۆشیأردی، امّا بو گۆن بۇلسا، کۇرۇناویروس مِرگی کِسِلینینگ قاصت اتمِگی بیلن، حالقئنگ غارا گؤزی بو پأک ائنسان، آغاچ آتئنا یۆکلِنیپ، ایلینینگ دۇغاسئ بیلن تۆرکمِنصَحرانئنگ آراسسا تۇپراغئنا تابشئرئلدئ.
دۇکتۇر غیادینئنگ بِییکلیگیندن نأچه آیتساق-دا آز بۇلار. اۇل ایل اۆچین، هم لوقماندئ هم-ده آرقاداغدئ.
عؤمرۆنینگ کؤپۆنی حالقئنگ بَهبیدینه صارپ ادن بو بِییک پِس پأل ائنسانئنگ غاپئسی اِلمئداما مئخمانلار و دردلی آداملار اۆچین آچئقدئ و گۆلر یوز بیلن غارشی آلیاردئ. بو یاغشئ حأصییِتینینگ یانئندان-دا تۆرکمِنینگ مِدِنییِتینی هم آلادا اِدیأردی. تۆرکمن آتئنا-دا صارپا غۇیوپ، اوُنونگ نِسلینی غوُراماق اۆچین کؤپ سریشدهلردن پِیدالانئپ، زحمتلر چکیأردی.
بو اوغوردا کؤپ جِپالارا-دا سِزِوار بوُلدی. غارشئسئندا هر هیلی پأسگِلچیلیکلر بۇلسا-دا آلئپ باریان موقادّس یۇلوندان آصلا دأنمِدی.
دۇکتۇر غیادی جِرگلاندا، تۆرکمن یاش-جووانلارئنئنگ ذِهینینده تأزهدن بیر غارایئش دؤرتدی. تأزه دؤورۆنگ اؤسۆش یاشایشئنئنگ یوُلونئ گؤرکزدی.
بو پاراساتلئ و پایخاسلئ بییک ائنسانئنگ بیواغت دۆنیأدن اؤتمِگی و آرامئزدان گیتمِگی، بۆتین تۆرکمن ایلینی غاتئ غئناندئردئ. بو دۆشِن شِیله بیر آغئر یاغدایا، تۆیس یۆرِکدن غئنانچ بیلدیریأریس.
مِرحومئنگ یۇلئ اۆزنۆکسیز بۇلوپ، آدئ و یادئ المئداملئق یۆرِکلرده ناغئشلانئپ غالسئن.
“روحئ شاد، ایمان هِمراسئ بۇلسون”
“تۆرکمِنصَحرانئنگ اِدِبی اۇجاقلار و مِدِنی-هۆنأر جِمغئیِتلرینینگ بیرلِشدیرجی شوراسئ”
ارسال از منصور طبری
www.ulkamiz.ir
