شعری از شاعر افغان
پایگاه خبری اولکامیز – شعر اورهلان یورهک سروده شاعر افغان محمود یاردم صادقی است. این شعر را با هم می خوانید:
سنی گؤرمک لیگیم آرتدیرسه دردیم
او دنیا بو دنیا گورجک اوتیرجاق
یورهگمی هممه دان اوزدوم ده بردیم
یؤزینگه سر ادیپ ییل لار چوت اورجاق
آییق دال سن ناشه گوزهل دؤراپ سینگ
یاده دُنیا سنینگ اوچین ایندی می؟
عشوه بیلن یورهک داشین اؤراپ سینگ
سنی گؤران مشقت دان دیندی می؟
خدای هم سؤیون دییپ آزارین بریور
بیلدیم سن هم شول خدا نینگ بنده سی
مهر اورنونه کوپلنچ ظلمین سریور
سانگه ده یتان مئش ظلم دنده سی
خدا نی گؤر دنگ لیک بیزه برماندیر
عدالت یوق هرگز اونونگ ایشینده
بو ایشینگ رازینی گونه سرماندیر
سؤیمک هم چینهمک، بار دیر دیشینده
سوراغما جواب بر سن ناشه ظالم؟
یاده سانگه یوقدی بو ظالم لیق
ظلم اتمه! گون گوندان اربت دیر حالیم
غانیم غالسین! قلبیم اوچین دادیم لیق
زیانی یوق خداینگه اوکین سانگ
یونه! سنده سانی؛ یتجک بنده یوق
یکه جه بندانگ بار اونونگ حالی تنگ
حالینی سورهماق هنر سنده یوق
شاید بولسه سنی سؤیان لار سانسیز
یونه! مانگه دیدینگ دنیاده سن سینگ
هیچ بنده من کبی بولمه یور آنگسیز
اویماز دان اونگ ظلم سانسیز دییمه دینگ
دوغری سنده کأده کأده ظلم بار
یونه! سنده تانگری جبار لیغی یوق
خدای ابد لیک دیر، سنده اولیم بار
جبریندن یوقیش مئش، غفار لیغی یوق
سن بیلن من غویدوق سؤیگی بنیادین
اوبه دال ده شهره دوندی بو سؤیگی
غویالی یادگار دویغی بنیادین
یؤرار بولسون ایل ده بو گوزهل دویغی
ظلم اتسانگ ده سؤیون من سنی چاکسئز
آییق بئلیون ظلم اتسانگ ده سؤیورسینگ
یوقیش مئش خدا دن، دال! ظلمینگ حق سئز
سؤیماگئمی ایسلأیپ گؤزوم اؤیورسینگ
یاردم ایندی یاپغین شکایت بابین
«حافظ» غه منگزهیپ شکر أیله بیر دم
یترگین عرضینگی تاپیپ حسابین
تحمل ات بال اورنونه برسه سم
محمود یاردم صادقی
۱۰ سرطان «تیر» ۱۴۰۱