پایگاه خبری اولکامیز – حاج بای محمد قلیچی : بیرمۆنگ اۆچیۆز توقسانینجی ییلی، خرداد آیینینگ ایکیسی، دوشنبه گۆنی، ساعت دورتدن اۏتۇز دقیقه گچهنینده خلیفه باغشی دوردی طُرّیگینگ، گرگان رادیوسیندا یوریته گپلهشیگی بولدی. بۇ قۏشغینی خلیفه باغشی دوردی طُرّیگه باغشلاپ یازدیم.
باغشی سن
گؤنگلی قالقیندیران قلبی جۏشۇران
مۇقام پردهسینده سازلی باغشی سن
یۆرکلر دویغوسین خلقه قوشیران
تأسین سسلی- خوش اۏوازلی باغشی سن
گینگ عألمینگ بۇ عاجاییپ دؤورﯙنده
قایناپ-قایناپ گزدینگ عشقینگ خۏورۇندا
یۆرکلر تؤرۆنده، اؤیۆنگ بؤورۆنده
بارلیغی بزهیأن یازلی باغشی سن
سانگا آچیق باغتلی ایلینگ قۇجاقی
سبأبی سن، ساز میدانینگ قۏچاغی
ساز بیلن آچیلار خۏشلۇق ساچاقی
شادلیق کؤللرینده غازلی باغشی سن
بگنجلی گۆنلرینگ بزهگی بولان
غم- غصصانگ بوینونه دوزاقی سالان
صونغات عألمینده گزهگی آلان
آلغیرلیق بابندا بازلی باغشی سن
حاجی طُرّیک بلند بۏلسۇن اقبالینگ
ایل بیلن بیرلشسین عؤمۆرلیک یولۇنگ قۇوانار لابظینگا ساغ بیلن سولۇنگ
ایل ایچینده آت – اۏوازلی باغشی سن
اۇزاق یۏلدان قلیچینینگ کلامی
سۏغات بۏلسۇن کؤپ دۇواسی- سلامی
«شوکور» دوتار بیلن ینگسه غولامی
آیدیم طعامیندا دۇزلی باغشی سن
۰۲/۰۳/۱۳۹۰ش مراوه دپه
www.ulkamiz.ir