فراخــــوان ( چاقئلئق)
پایگاه خبری اولکامیز – یوسف نورتقانی یکی از متولیان مراسم بزرگداشت مرحوم بایلی تکه فراخوان ذیل را برای انتشار به اولکامیز فرستاد که در پی می آید:
حورماتلی ایلدشلر و قادئرلی اوسسات ادبیاتچیلار،شاهیرلار،یازیجیلار،مدنی و میللی میراث و صونغاتیمیزینگ جان کؤیرلری و موشتاقلاری،باغشیلار و سازاندالار همده زحمتکش ژورنالیست لار و اینترنت اولغاملاریندا (تلگرام توپارلاری و کانال لار- واتساپ- اینستاگرام) تورکمنینگ میللی بایلیقلاری حاقدا آلادا ادیأن حورماتلی لار، بارینگیزینگ مأهئرلی حضورونگیزا سلام
نصیپ بولسا اوستومیزدأکی ۱۴۰۲ نجی یئل نینگ دی آیینینگ بیرینه( ۱۴۰۲/۱۰/۰۱)
اولکأمیزینگ شهراتلی باغشی سی مرحوم حالیپا باغشی ” بایلی تکه” نینگ، آیدئم – ساز صونغاتیمیزا قوشوپ گیدن قوشاندی و چکن زحمتلرینه قادئردانلیق اوچین، یاغتی یأدیگأرلیگینی توتماغی ماقصات ادیندیک.شونونگ اوچین سیز ماهریبانلارینگ أهلینگیزه حورمات بیلن یوزله نیپ،شول گچیریلجک مراسئما چاغئریاریس.
مرحوم بایلی تکه حالیپانینگ یاغتی یأدیگارلیگی اوچین گچیریلجک مراسئما قوشولیان أهلی اوسسات ادبیاتچیلار- یازیجیلار و شاهیرلار، اگ-ده اؤز دگرلی یازغیلارینگیزی آشاقدأکی موضوعلار اساسیندا بیزه یوللاسانگیز کوپ مینّت دار بولاریس.
ــ اولکأمیزده آیدئم-ساز میللی صونغاتا بریلیان سارپا و قاراییش لار حاقدا.
ــ تورکمن صحرانینگ آیدئم – سازی، انقلاب دان اؤنگ و سونگقی دورومی.
ــ مرحوم بایلی حالیپانینگ اولکأمیزینگ باغشی چیلیق و آیدئم-ساز صونغاتینا یتیرن تأثیری و قوشان قوشاندی.
ــ مرحوم بایلی حالیپانینگ قئلئق- حأصییتی و آدامکأرچیلیگی.
ــ همده حورماتلی شاهیر دوستلارمیزدان مرحوم بایلی حالیپا حاقدا تأزه قوشغیلار- یادلامالار(خاطره).
ــ مرحوم بایلی حالیپانینگ تلگرام و مجازی اولغاملار بیلن یاقین آرا باغلانشیغی و گونده لیک قیزیقلانمالاری.
★ حورماتلی اوسساتلار قایرات ادینگ ایبرجک دگرلی یازغیلارینگیز ۱۴۰۲/۰۹/۲۷ تاریخینا چنلی گلیپ یتیشسین.
(مهلت ارسال مطالب،مقالات و اشعار به مدت ۱۰روز و تا تاریخ ۲۷ آذرماه میباشد)
★ ایبریلجک ماطلاپ و مقالالارینگ بلگیسی.
(آدرس و لینک محل ارسال مطالب.)
حورماتلی ایلدش لر و ماهرئبان دوستلار قایرات ادینگ شو چاقئلئغی تلگرام و واتساپ همده اینستاگرام صاحیفالاریندا ایلدش لرمیز بیلن پایلاشاورینگ.
※ بارینگیزا یاشایشینگیزدا جان ساغلیق و اوستونلوک لر آرزوو اتمک بیلن، مأهئرلی حضورونگیزا قاراشیاریس عزیز ایلدش لر.
چونگنگور سیلاغ و حورماتلار بیلن:
بایلی حالیپانینگ یاغتی یأدیگأرلیگی اوچین آلادا ادیأن توپارینگ آغضالاری
https://t.me/+lDkX8Zyra4wwYWE0
www.ulkamiz.ir
