پایگاه خبری اولکامیز – تاییارلان: حاج قاقابای ارزانی / آلینان چشمه لر: غاراغوم ژورنالی : آمولدان خورزمه اوغرایان غادیمی سؤدا یولونینگ اوغروندا، آمی دریانینگ چپ کناریندا یرلشیأن اورتا عاصئرلار کروانسارایی. تورکمن آباددان ۱۷۳ کیلومتر دمیر غازیقدا، خان آباد دوراغاسینینگ غولایینداقی بو تاریخی یادیگأرلی یرلی حالق «بایخاتین»دیییب آتلاندئریار.سبأبی شول حاقدا ایل آراسیندا بیر روایات بار.شول روایاتا گؤرأ،بیر بای آدام بولوبدئر.
نأهیلیلدیر بیر سبأب بیلن اول عایالینینگ وپالیلیغینا شوبه له نیبدیر.اؤزونه بی وپالیق إدیلندیر دیییب دوشونن بای درووشینگ إشیگینه گیریب ،اؤیوندن چئقئب گیدیبدیر. اونونگ عایالی بایخاتین بولسا أرینینگ دولانیب گلرینه کؤب ییللاب غاراشیبدئر.سونگرا آدامسینینگ چؤلدأکی سرگزدانچیلیغینی ینگلتمک ،اونی اوجاغینا گتیرمک اوچین اولی و اووادان کرونسارای غورماگی یوره گینه دوووبدیر.اونونگ غورلوشیغی اوچین غورلوشیق ماتیریالی بولان کرپیجی مروده بیشیریبدیرلر.
کرپیجی مرودن کرونسارایین غورولیان یرینه چنلی آداملار خاطارا دوروب ،إلدن..إله گچیریب إلتیب دیرلر.شونونگ اوچین اونگا کؤب آدام ییغنانیبدیر. شول آداملارینگ آراسیندا بایخاتینینگ آدامسی هم بار إکن:اول اوزاق سرگزدانچیلیقدان سونگ یوردونا دولانیبدئر.بایخاتین آدامسینی تنابدئر،یونه اونونگ اؤزی چادرادا بولسونگ تانالماندئر.
کرونسارایین غورلوشیغی غوتاراندان سونگ بایخاتین میلیس غورابدئر.اونگا کؤب آدام ،بو غورلوشیغا یاردام إدنلر هم چاغیریلیبدئر.اول شوندا آدامسینینگ بیدرک یره سرگزدانچیلیق إدیب یؤرندیگینی گؤچمه مانیدا ،دینگه إری دوشونر یالی إدیب آیدیب بریبدیر. بوروایات إر..عایاینگ یاراشماغی بیلن تاماملانیار. تاریخی چشمه لرده بولسا سؤدا یولونینگ شو بؤله گینده طاهیریا کرونسارایینینگ باردیغی حاقیندا ماغلومات بار.
اورتا عاصئرلار تاریخچیلارینگ، خوصوصان..دا، یاکوتین یازغیلاریندا کرونسارایینگ آدی، دوقوزینجی عاصئردا خوراسانینگ حؤکومداری بولان طاهیرینگ آدی بیلن باغلانیشیقلیدئر. بو یازیجینینگ یازماغینا گؤرأ، طاهیرییا خورزم حؤکومدارلیغینینگ آمول طارابقی سونگقی سرحد نوقاتی بولوبدئر. حامدآلله قازوینی بولسا مرودن خورزمه چنلی سؤدا یولونی بیان إدنده طاهیرییانی یاتلایار.
دایخاتین حأضیرکی واغتدا گینگ میدادا «۱۱۲*۱۲۵م» یاییلیب یاتان خاراباچیلیقدئر. بیر واغتلار اونونگ دؤرت بورچوندا توغالاق و گؤنوبورچلی دینگلری بولوبدئر. کرونسارای طارابلاری ۵۳متر بولان اینه دؤردول گؤرنوشده بینا إدیلیبدیر. اونونگ اورتاسیندا بولسا هر طاراپی ۳۰ متر بولان اینه دؤردول میدانچا بولوبدئر. اونونگ تؤوره گینی بولسا اولی..کیچیلی جایلار، اوتاغلار إیه لأبدیر. اولار میدانچانینگ دؤرت طاراپیندا یرله شیبدیرلر.
غورلوشیق ماتریالی حؤکونده دورلی اؤچگلی، یوقاری هیللی بیشن کرپیچ اولانیلیبدئر.اولاری اولانماق آرقالی یوقاری اوسسادلیق بیلن إساسی دیوارلاری، آرقالاری، گوممه زی دیکلدیبدیرلر. گیریلیأن دروزه بیرنمه اؤنگه چیقاریلیب، دپه سی آرقا بیلن یاپیلیب، غووی بزه لیب، دمیرغازیغا غارادیلیب غورنالیبدئر. دیوارینگ کأیرلرینده کرپیچلرینگ یوزونه خالیفالار ابوبکرینگ و عالینینگ آتلاری گتیریلیأن عاراب دیلیندأکی ترکستلرینگ بؤلکلری ساقلانیب غالیبدئر. کرونسارایدا اوچه گه چیقاریالی کرپیچدن گینگ باسغانچاک بولوبدئر. بو کرونسارایینگ غورلوشیغی ۱۱…..۱۳ نجی عاصئرلارا دگیشلی حاسابلانیار. داوامی بار / نشریه سایران
www.ulkamiz.ir
